Vega Energy

Parqe fotovoltaike në shkallë të madhe projekton dhe ndërton Vega Energy, kompani e Vega Group me zyra në Kompleksin Magnet, Tiranë. Kompania e ndjek projektin nga zgjedhja e terrenit, me analizën e rrezatimit diellor, të tokës dhe të ndikimit në mjedis, te studimi i fizibilitetit dhe deri në vënien në punë. Si kompani EPC, merret me projektimin inxhinierik, prokurimin e pajisjeve dhe ndërtimin, përfshirë punimet civile në terren dhe lidhjen e parkut me rrjetin e tensionit të lartë. Pas ndërtimit, Vega Energy kujdeset për funksionimin dhe mirëmbajtjen, dhe ndihmon investitorët me financimin, grantet dhe përputhjen me rregullat vendase e ndërkombëtare. Ndër projektet e saj janë EZ-5 Energy, me panele që ndjekin lëvizjen e diellit, Sun Power & Sun Avenue dhe Alb Sun Energy; zyra punon pesë ditë në javë, nga 8:00 deri në 17:00.